නවම් පුර පසළොස්වක පොහෝ දිනය අදයි.
ශාසනික වශයෙන් සුවිශේෂී සිදුවීම් රැසකට හිමිකම් කියන නවම් පුර පසළොස්වක පොහොය මෙරට බෞද්ධ ජනතාව සැදැහැ සිතින් සමරනු ලබයි.
බුදු රජාණන්වහන්සේ, සැරියුත් මුගලන් මහ රහතන් වහන්සේට අග්‍රශ්‍රාවක තනතුරු පිරිනැමුවේ අද වැනි නවම් පුර පසළොස්වක පොහෝ දිනකයි.
එහිදී සැරියුත් මහ රහතන් වහන්සේට ප්‍රඥාවන්තයින් අතර අග්‍රස්ථානයත්, මුගලන් මහ රහතන් වහන්සේට ඍද්ධිමතුන් අතර අග්‍රස්ථානයත් පිරිනැමු බව බෞද්ධ ඉතිහාසයේ සඳහන් ය.
සම්බුද්ධ ශාසනයේ ප්‍රථම මහා සංඝ සම්මේලනය ද පැවැත්වුයේ අද වන් පොහොය දිනයකදීයි.
මේ අතර කොළඹ හුනුපිටිය ගංගාරාම විහාරස්ථානයේ වාර්ෂික නවම් මහා පෙරහැර අද වීදි සංචාරය කිරීමට නියමිතයි.