ශ්‍රී ලංකාවේ බල පෙරළිය නිසි ලෙස, සුමට ආකාරයෙන් ඉකුත් වසරේදී සිදුවූ බව එක්සත් ජාතීන්ගේ සංවිධානයේ මහලේකම් බැන් කී මූන් සඳහන් කළ බව එක්සත් ජාතීන්ගේ සංවිධානයේ නිල වෙබ් අඩවිය කියයි.
එක්සත් ජාතීන්ගේ මහමණ්ඩලයේ මේ වසර සඳහා වන මුල්ම රැස්වීම අමතමින් මෙලෙස ශ්‍රී ලංකාව ගැන සිහිපත් කළේය.
ශ්‍රී ලංකාව මෙන්ම, නයිජීරියාවේ සුමට බල හුවමාරුවක් සිදුවූ අතර මියන්මාරය සහ ටියුනීසියාව පසුගිය වසරේදී ප‍්‍රජාතන්ත‍්‍රවාදී ක‍්‍රියාමාර්ගයෙන් ඉදිරියට පැමිණි බවද මහලේකම් සඳහන් කොට ඇත.
දැනටමත් ලොවපුරා පවතින ත‍්‍රස්ත තර්ජන වලට මුහුණදීම පිළිබඳව අදහස් දක්වමින් මහලේකම් බැන් කී මූන් මහතා එහිදී කියා සිටියේ එක්සත් ජාතීන්ගේ සාම සාධක මෙහෙයුම් වල සමීප සහයෝගීතාව මෙන්ම , කලාපීය සංවිධාන වල දේශීය ප‍්‍රජාවන්ගේ සහයෝගය ඒ සඳහා වැදගත් වනු ඇති බවය.