සැකකටයුතු ලෙස මියගිය නාඳුනන පුද්ගල මළසිරුරක් හොරණ පොරුවදණ්ඩ ප්‍රදේශයේ රබර් ඉඩමක තිබි සොයාගෙන තිබේ.
එම රබර් ඉඩමේ පිරිමි පුද්ගල මළසිරුරක් තිබෙන බවට හොරණ පොලීසියට ලද පැමිණිල්ලක් මත විමර්ශන ආරම්භ කර ඇති බව පොලිස් මුලස්ථානය සඳහන් කළේය.
මියගිය පුද්ගලයාගේ අනන්‍යතාව මෙතෙක් තහවුරු වී නොමැති අතර මළසිරුර පොලිස් ආරක්ෂාව යටතේ පවතින බව සඳහන්ය.
අදාළ මෘත ශරීරය සම්බන්ධ මුලික මහෙස්ත්‍රාත් පරික්ෂණය සහ පශ්වාත් මරණ පරික්ෂණය අද (08)දින සිදුකිරීමට නියමිතය.
හොරණ පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි.