බොලිවුඞ් සිනමාවේ සුපිරි නළු ශාරුක් ඛාන්ගේ පුත් ආර්යන් ඛාන් ඇතුළු දසදෙනෙකු අති සුඛෝපභෝගී මගී නැවක දී මත් ද්‍රව්‍ය භාවිතාකරමින් සාදයක් පවත්වමින් සිටියදී මුම්බායි මත්ද්‍රව්‍ය පාලන කාර්යාංශය විසින් ඊයේ රාත‍්‍රී අත්අඩංගුවට ගෙන ඇත.
මුම්බායී සිට ගෝවේ බලා යාත‍්‍රා කරමින් තිබූ මෙම මගී නැවෙහි මොවුන් මත්ද්‍රව්‍ය භාවිතා කරමින් සාදයක් පවත්වන බවට ලැබුණු තොරතුරක් මත මෙලෙස අත්අඩංගුවට ගෙන තිබේ.මේ වන විටද ඔවුන්ගෙන් ප‍්‍රශ්න කරමින් සිටින බව ඉන්දීය මාධ්‍ය පවසයි.
මෙම අත්අඩංගුවට ගත් පිරිස අතර බොලිවුඞ් සුපිරි නිළියන් කිහිප දෙනකුගේ ද දරුවන් සිටින බවට තොරතුරු ලැබී ඇතැයි ද ඉන්දීය මාධ්‍ය වැඩිදුරටත් පවසයි.