ලොව උසම ගොඩනැගිල්ල වන ඩුබායි හි බර්ජ් කලීෆා ගොඩනැගිල්ල අසල පිහිටි සුපිරි හෝටලයක දරුණු ගින්නක් හට ගෙන තිබෙනවා.
ගින්න හට ගැනුනේ ඩුබායි හි නව වසරේ සැමරුම් ආරම්භ වීමට ආසන්නයේ තිබියදීයි. ගින්න හටගත් හෝටලය මහල් 63කින් යුක්තයි. ගින්න හටගෙන ඇත්තේ හෝටලයේ විසිවැනි මහලේ බවයි විදෙස් මාධ්‍යයන්හි දැක්වෙන්නේ.
ඒ වන විට නව වසරේ උදාව සැමරීම සඳහා අතිවිශාල පිරිසක් ඩුබායි නුවරට රැස්ව සිටියා. ගින්නට හේතුව මෙතෙක් අනාවරණ වී නැහැ. නවතම විදෙස් මාධ්‍ය වාර්තා කළේ ගින්න පාලනය කර ඇති බවයි.
