අල්-ෂබාබ් ඉස්ලාම් අන්තවාදී ත්‍රස්තයන් කෙන්යානු හමුදා කඳවුරක් වෙත පසුගිය මාසයේ සිදුකළ ප්‍රහාරයකින් හමුදා සාමාජිකයන් 180 දෙනෙකු ජීවිතක්ෂයට පත්වූ බව සෝමාලියා ජනපති හස්සන් ෂෙයික් මහමූද් පවසයි.
දකුණුදිග සෝමාලියාවේ එල්-අඩේ ප්‍රදේශයේ පිහිටි මෙම කෙන්යානු හමුදා කඳවුරේ සිදුවූ විනාශයෙන් මියගිය පිරිස ගැන කෙන්යාව මෙතෙක් නිල ප්‍රකාශයක් සිදුකර නැත.
මේ අතර, අල්-ෂබාබ් ඉස්ලාම් අන්තවාදී ත්‍රස්තයන් පෙන්වා දෙන්නේ ඔවුන් මෙම ප්‍රහාරයෙන් කෙන්යානු හමුදාවේ 100කට ආසන්න පිරිසක් මරා දැමූ බවයි.
කෙසේ වෙතත්, මෙසේ මියගිය පිරිස 180 දෙනෙකු බව ස්ථිර වුවහොත් එය මීට දශකයකට පමණ පෙර ආරම්භ වූ අල්-ෂබාබ් ඉස්ලාම් ත්‍රස්තයන්ගේ අතිශය ම්ලේච්ඡම ප්‍රහාරය බවට පත්වනු ඇති බව කියැවෙයි.