Colombo Today Local News

මරණ දඩුවම හිමි රැඳවියකුගේ විශ්වවිද්‍යාල අධ්‍යාපනය ලබන දියණියට පරිඝණක යන්ත්‍රයක් පරිත්‍යාග කරයි.

බන්ධනාගාර ගත රැඳවියන්ට මෙන්ම ඔවුන්ගේ පවුල් සමඟ මනා සම්බන්ධතාවය ගොඩනගමින් පුනරුත්ථාපනය තුලින් යහපත් පුරවැසියන් ලෙස සමාජගත කිරීම බන්ධනාගාර දෙපාර්තමේන්තුවේ පුනරුත්ථාපන ක්‍රියාවලියේ අරමුණයි.

බන්ධනාගාර දෙපාර්තමේන්තුව හා සිරකරු සුභසාධක සංගමය එක්ව බන්ධනාගාර ගත රැඳවියන්ගේ දූ දරුවන්ගේ අධ්‍යාපන කටයුතු හා ඔවුන්ගේ සුභසාධන කටයුතු සදහා අවශ්‍ය භාණ්ඩ, උපකරණ හා අධ්‍යාපන කටයුතු සදහා ශිෂ්‍යත්ව ප්‍රධානය කිරීම සිදුකරනු ලබයි.

ඒ අනුව මරණීය දණ්ඩනය නියමව වැලිකඩ බන්ධනාගාරයේ රඳවා සිටින නේවාසිකයෙකු විසින් කරන ලද ඉල්ලීමකට අනුව ඔහුගේ විශ්ව විද්‍යාලීය අධ්‍යපානය හාදාරණ දියණියගේ අධ්‍යාපන කටයුතු සදහා ලැප්ටොප් වර්ගයේ පරිඝණක යන්ත්‍රයක් සිරකරු සුභසාධක සංගමයේ වැලිකඩ උපකමිටුවේ සමාජික එම්. අක්‍රම් මහතා විසින් 2022.09.03 වන දින වැලිකඩ බන්ධනාගාර අධ්‍යයන කේන්ද්‍රයේදී පරිත්‍යාග කරන ලදි.

මේ අතර “සිරකරුවන්ගේ දරුවන්ගේ මිතුරෝ” ආයතනය මගින් ආර්ථික අපහසුතා මැද විශ්ව විද්‍යාල අධ්‍යාපනය ලබන මෙම දියණියට ශිෂ්‍යත්වයක්ද ලබා දී ඇත.

මෙම විශේෂ අවස්ථාව සදහා වැලිකඩ බන්ධනාගාර අධිකාරී යු.බි.වලිසුන්දර මහතා, සිරකරු සුභසාධක සංගමයේ සාමාජීකයින් ඇතුළු පුනරුත්ථාපන නිලධාරින් හා බන්ධනාගාර නිලධාරීන් රැසක් සහභාගී වු බව බන්ධනාගාර කොමසාරිස් (පාලන, පුනරුත්ථාපන, මාධ්‍ය ප්‍රකාශක) චන්දන ඒකනායක ප්‍රකාශ කර සිටියි.

Related posts

මානසික රෝගියෙක් කියා අංගොඩ යැවූ, සිරිකොතේ අලියාට වෙඩිතැබූ රාලහාමිට ඇප !

colombotoday

දේශීය ආදායම් පනත සංශෝධනයට යෝජනා

Admin

ජොන්ස්ටන් ප්‍රනාන්දු බේරාගන්න පොලීසියට බාර වුනු අනුරුද්ධ සම්පායෝ.

colombotoday

මම තවම ගැහුවෙ එක තුරුම්පුවයි.. ඉතිරි ටික 14 වෙනිදා බලාගමු…

colombotoday

2018දී පාර්ලිමේන්තුවේ වචනයක් කතා නොකළ මන්ත්‍රීවරු 13ක්

colombotoday

තොග මිල සිල්ලර මිලට වඩා ඉහළයෑමෙන් සිල්ලර වෙළෙඳුන් සහල් විකිණීම නතර කරති

colombotoday