සංචරණ සිමා උල්ලංඝනය කරමින් නීතිවිරෝධි ලෙස ප්‍රවාහනය කළ රුපියල් කෝටියකට අධික මත්පැන් තොගයක් සමග සැකකරුවන් දෙදෙනෙකු වාලච්චේන ප්‍රදේශයේ දී අත්අඩංගුවට ගෙන ඇත.
එම මත්පැන් වාලච්චේන, රිදීතැන්න මාර්ග බාධකයේදී ලොරි රථයකින් ප්‍රවාහණය කරමින් සිටියදී සොයාගෙන තිබෙන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කරයි.
මෙහිදී මත්පැන් බෝතල් 9,240ක් සොයාගෙන ඇති අතර ඒවායේ වටිනාකම එක්කෝටි 70 ලක්ෂයකට ආසන්න බව අජිත් රෝහණ මහතා වැඩි දුරටත් සඳහන් කර ඇත.
එම සැකකරුවන් සම්බන්ධයෙන් වැඩිදුර විමර්ශන ක්‍රියාත්මකය.