ජනාධිපති කාර්යාලය ඉදිරිපිට ගෝඨාගෝ ගම අරගලකරුවන් ඉවත් කළ බව පොලිසිය පවසයි.
පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරි නීතීඥ නිහාල් තල්දූව මහතා පැවසුවේ, එහි සිටි විරෝධතාකරුවන් 8 දෙනෙකු අත්අඩංගුවට ගත් බවයි.
අත්අඩංගුවට ගත් අයගෙන් එක් අයෙකු ජාතික රෝහලේ ප්‍රතිකාර ලබමින් සිටින බව පොලිස් මාධ්‍ය ප්‍රකාශකවරයා ප්‍රකාශ කළේ ය.
පොලිස් මාධ්‍ය ප්‍රකාශකවරයා සඳහන් කළේ, ගාලු මුවදොර බාලදක්ෂ මාවත දක්වා වූ කොටසේ පිහිටි කුඩාරම් ද ඉවත් කළ බවයි.
අද අලුයම් කාලයේදී ජනාධිපති කාර්යාලය ඉදිරිපිට සිටි විරෝධාකරුවන්ට පහරදි ඉවත්කිරීමට පොලිසිය සහ හමුදාව පියවර ගත්තේ ය.
අලුයම 1. 30 ට පමණ ජනාධිපති කාර්යාලය දෙසින් ඇතුළු වූ පොලිසිය සහ හමුදාව විරෝධතාකරුවන් සහ ඒ අවට ඉදිකර තිබු තාවකාලික ඉදිකිරිම් ද ඉවත් කිරිමට පියවර ගෙන තිබිණ.
මේ වන විට ජනාධිපති කාර්යාල ඉදිරිපිට සිට ගාලුමුවදොර විරෝධතා පැවැත්විමට වෙනක්ර තිබූ ස්ථානය දක්වා වූ ප්‍රදේශය පොලිසිය සහ හමුදාව විසින් අත්පත්කරගෙන ඒ අවට තිබූ සියලු තාවකාලික ඉදිකිරිම් ඉවත් කර තිබේ.