කල්පිටිය පල්ලිවාසල්තුරේ අම්මාතෝට්ටම් ප්‍රදේශයේ දී සගවා තිබු රුපියල් ලක්ෂ 75 කට වැඩි වටිනාකමින් යුත් කහ කිලෝ 1500 කට ආසන්න ප්‍රමාණයක් පුත්තලම කොට්ඨාස විස මත්ද්‍රව්‍ය ඒකකය විසින් ගුවන් හමුදා බුද්ධි තොරතුරකට අද(7)දින අලුයම සිය බාරයට ගෙන තිබේ.
ඉන්දියාවේ සිට රැගෙන විත් ප්‍රවාහනයට පල්ලිවාසල් වෙරළ තීරයට ආසන්න ස්ථානයක සඟවා, උර 50 ක අසුරා තිබු කහ කිලෝ 1500 කට අධික ප්‍රමාණයක් එම නිලධාරීන් සොයාගෙන ඇත.
අදාල කහ තොගය සමග එහි ප්‍රධාන සැකකරු බව පැවසෙන මුන්දලම මදුරන්කුලිය ප්‍රදේශයේ පදිංචි අයකු ද කොට්ඨාස විෂ මත්ද්‍රව්‍ය ඒකකය මගින් අත්අඩංගුවට ගෙන තිබුණි.
මෙම කහ තොගය නීරෝධායන නීති රිති උල්ලංඝණය කරමින් මුහුදු මාර්ගයෙන් මෙරටට රැගෙනවිත් ඇති බව මුලික විමර්ශන වලදී හෙළිව ඇතැයි පුත්තලම කොට්ඨාස විස මත්ද්‍රව්‍ය ඒකකය කියයි.
අදාල කහ තොගය හා සැකකරු කල්පිටිය පොලිසියට භාරදීමට නියමිතය.