Colombo Today Local News

පොලිස් නිලධාරියෙක් දුන් දඩ කොලේට වෙනත් නිලධාරියෙකුට ට පොරෝ පහරක්

රථවාහන රාජකාරියේ නිරත පොලිස් නිලධාරියෙක්ට අද (05) පෙරවරුවේ පුද්ගලයෙකු විසින් පොරෝ පහරක් එල්ල කර තිබේ.

හිසට එල්ල කර තිබූ පොරෝ පහර එම නිලධාරියාගේ ගෙල ආසන්නයේ පිට ප්‍රදේශයට වැදී ඇත.

සිද්ධියට මුහුණ දී ඇත්තේ අම්බලන්තොට පොලිස් ස්ථානයේ රථවාහන අංශයේ රාජකාරියේ නිරතව සිටි පොලිස් නිලධාරියෙකි.

තුවාල ලැබූ පොලිස් නිලධාරියා මේ වනවිට හම්බන්තොට මහ රෝහල වෙත ඇතුළත් කර ඇත.

අම්බලන්තොට නගර මධ්‍යයේ ඔරලෝසු කණුව ඉදිරිපිටදී අද පෙරවරු කාලයේ මෙම සිද්ධිය සිදුවී තිබේ.

පොලිස් නිලධාරියාට පොරෝ පහර එල්ල කිරීමෙන් අනතුරුව අදාළ සැකකරු වස පානය කර ඇත.

ඒ අනුව ඔහුව ද අම්බලන්තොට රෝහලට ඇතුළත් කර තිබුණි.

පසුව වැඩිදුර ප්‍රතිකාර සඳහා සැකකරුව හම්බන්තොට මහ රෝහල වෙත මාරුකර යවා තිබේ.

පසුගිය ජනවාරි මස 25 වනදා බීමත්ව රිය පැදවීමේ වරදට අම්බලන්තොට පොලීසියේ නිලධාරියෙක් විසින් සැකකරුට දඩ පත්‍රිකාවක් නිකුත්කිරීම හේතුවෙන් උරණවී සිටි සැකකරු මෙම පහරදීම සිදුකළ බව මූලික පරීක්ෂණවලදී අනාවරණය වී ඇත.

නමුත් පොරෝ පහර එල්ලවී තිබුණේ දඩ පත්‍රිකාව නිකුත් කළ නිලධාරියාට සමනා වෙනත් නිලධාරියෙක් වෙතය.

Related posts

සියළු වෙබ් අඩවි ලියාපදිංචි කිරීම අනිවාර්යයි.. නැතිනම් අවහිර කරන්න රජය සූදානම් !

colombotoday

පොඩි ලැසීගේ සමීපතමයෙක් ගිනිඅවියක් සමග STF දැලේ

colombotoday

රනිල් සහ සාගල අද ජනපති කොමිසමට

colombotoday

වළකට වැටී දරුවෙක් මිය යයි

Admin

නිරෝධායන නීති යටතේ ජනතා විමුක්ති පෙරමුණට නඩු

colombotoday

හෙටින් ආරම්භ වන එක්දින තරගාවලියේ සංචිතය

Admin