පසුගියදා ඔස්ට්‍රේලියාවේදී අත්අඩංගුවට පත්වූ ISIS ඉස්ලාමීය රාජ්‍ය ත්‍රස්තවාදී සංවිධානයට සම්බන්ද යැයි පැවසෙන ශ්‍රී ලාංකිකයා නිදහස් කරන ලෙස ඉල්ලා අද කොළඹ නිදහස් චතුරශ්‍රය අසලදී පිරිසක් උද්ඝෝෂණයක නිරත විය.
මොහොමඩ් කමර් නිශාබ්දීන් නමැති මෙම පුද්ගලයා සතුව ඕට්‍රේලියාවේ හිටපු අගමැතිවරයා සහ විදේශ ඇමතිණිය ඝාතනය කිරීම, සිඩ්නි වරායට පහරදීම ඇතුළු ප්‍රහාර ගණනවක සැලසුම් තිබී ඇතැයි ඔස්ට්‍රේලියානු පොලිසිය හෙළිදරව් කරගෙන තිබිණි.
එම පුද්ගලයා මෙරට රජයේ ප්‍රබල අමාත්‍යවරයෙකු වන ෆයිසර් මුස්තාපාගේ ඤාති පුත්‍රයෙක්ද වෙයි.
අද පැවති උද්ඝෝෂණයට මුස්ලිම් ජාතික සහ සිවිල් සංවිධාන නියෝජිතයන් පිරිසක් සහභාගී වී සිටි අතර, කතෝලික පූජකවරුන් සහ භික්ෂූන් වහන්සේ දෙදෙනෙකුද සහභාගි කරවාගෙන සිටියහ.
