පුරවැසියාගේ වගකීම නීතිය ශක්තිමත් කිරීම බවත් බොදු බල සේනා සංවිධානයේ මහ ලේකම් ගලගොඩ අත්තේ ඥානසාර හිමියන්ට ලබාදුන් දඬුවමෙන් තමා සෑහීමකට පත්වන බවත් සන්ධ්‍යා එක්නැළිගොඩ මහත්මිය පවසයි.
අතුරුදන්ව සිටින මාධ්‍යවේදී ප්‍රදීප් එක්නැළිගොඩ මහතාගේ බිරිඳ වන සන්ධ්‍යා එක්නැළිගොඩ මහත්මියට ගලගොඩඅත්තේ ඥානසාර හිමියන් බැණවැදී තර්ජනය කිරීමේ සිදුවීමට අදාළ නඩුවේ තීන්දුව ප්‍රකාශ කිරීමෙන් අනතුරුව ඇය මෙම අදහස් දැක්වීය.
ඥානසාර හිමියන්ට බරපතල වැඩ සහිත වසරක සිර දඬුවමක් නියම කර එය මාස හයකින් ගෙවී යන ලෙස අධිකරණය අද නියෝග කළේය.
“පුරවැසියාගේ වගකීම තමා නීතිය ශක්තිමත් (කිරිම) මට ඒක කරන්න පුළුවන් වෙලා තියෙන්නේ (තියෙනවා). ඒ අනුව තමයි මහේස්ත්‍රාත්තුමා දඬුවම් නියම කළේ. මේ දඬුවමෙන් මම සෑහීමකට පත්වෙනවා හා සතුටට පත්වෙනවා. අධිකරණයක් ඇතුළේ හෝ ස්ත්‍රියකට හින්සා කිරීම වරදක් කියන එක මේ රටේ සියලුම මිනිස්සු දැනගන්නවා. අනාගතයේදී ඕනෑ තරම් මිනිස්සු ඉන්න පුළුවන් වින්දිතයින්ට හිංසා කරන්න.”