ශ්‍රී ලංකාවට අයත් කච්චතිව් දුපත යලිත් ඉන්දියාව බාරයට ගන්නා ලෙස LTTE හිතවාදී හිටපු දකුණු ඉන්දීය මහ ඇමතිනි ජයලලිත ජයරාම් ඉන්දීය අගමැති නරේන්ද්‍ර සිං මෝඩි මහතා වෙත ලිපියක් යවමින් ඉල්ලා තිබෙනවා.
වසර 2008 සිට කච්චතිව් දුපත යලිත් ඉන්දියාව සතු කරගන්නා ලෙස තමිල්නාඩු LTTE හිතවාදී දේශපාලකයින් විවිධ අවස්ථාවල විවිධ ක්‍රියාකාරකම්වල නියෙලුනා. එහි ප්‍රධානතම අවස්ථාවක් වෙමින් 2013 වසරේදී ඉන්දීය ශ්‍රේෂ්ඨාධිකරණයට පෙත්සමක් යොමු වුනු අතර එම පෙත්සම ඉවත දැමීමට එරට ශ්‍රේෂ්ඨාධිකරණය තීරණය කලේ ශ්‍රී ලංකාව සතු කයිට්ස් දුපතේ අයිතිය යලිත් තහවුරු කරමින්.
කච්චතිව් දුපතේ ඇති කතෝලික දේවස්ථානයක වාර්ෂික මංගල්‍යය වෙනුවෙන් ඉන්දීය දීවරයින් සෑම වසරකම පැමිණෙන අතර ඊට අවශ්‍ය සියලු පහසුකම් ශ්‍රී ලංකා නාවික හමුදාව විසින් සපයනු ලබනවා.