පළාත් පාලන මැතිවරණයෙන් ශ්‍රී ලංකා පොදුජන පෙරමුණ ජයගැනීමෙන් පසු හිටපු ජනාධිපති මහින්ද රාජපක්ෂ මහතා බැහැදැක සුභ පැතීම සදහා අති විශාල ජනතාවක් කොළඹ විජේරාම මාවතේ ඒ මහතාගෙ නිල නිවසට ඇදී එමින් සිටින බව වාර්තා වේ.
ඈත ප්‍රදේශවලින් පැමිණි ජනතාව මෙන්ම ප්‍රාදේශීය දේශපාලකයන්, කලාකරුවන්, සහ විවිධ වෘත්තිකයන්ද ඒ අතර වෙති.
පැය ගණන් දිගු පෝලිම්වල සිටිමින් හිටපු ජනාධිපතිවරයා මුණ ගැසෙමින් එම ජනතාව දෑත් එක්කකොට ඔහුට සුබ පැතීම, අත් ඇල්ලීම මෙන්ම ඡායාරූප ගැනීමටද මහත් උනන්දුවක් දක්වති.
කෙතරම් රාජකාරි පැවතියද ජනතාව සමග ගැවසෙමින් කතාබහේ යෙදෙමින් ඒ වෙනුවෙන් කාලය වැය කිරීමට ප්‍රිය රාජපක්ෂ මහතා, එන සියළු දෙනාටම තේ පැන් මෙන්ම ආහාරද සූදානම් කර දෙන ලෙසත් සිය කාර්යමණ්ඩලයට උපදෙස් දී ඇති බවද පැවසෙයි.
2015 ජනපතිවරණයෙන් පරාජයට පත්වීමෙන් පසුද මැදමුලනට සහ කාල්ටන් නිවසට අතිවිශාල ජනකායක් දින ගණනාවක් තිස්සේ ඒ මහතාගේ සුව දුක් විමසීමට පැමිණියහ.