එක්සත් ජාතික පක්ෂය සහ ශ්‍රී ලංකා පොදුජන පෙරමුණේ දෙපිරිසක් අතර ඊයේ පස්වරුවේ ඇතිවූ ගැටුමකින් ශ්‍රී ලංකා පොදුජන පෙරමුණේ ආධාරකරුවෙකුහා එක්සත් ජාතික පක්ෂයේ ආධාරකරුවෙකු තුවාල ලබා දඹුල්ල මූලික රෝහලට ඇතුලත් කර ඇත.
ශ්‍රී ලංකා පොදුජන පෙරමුණේ ආධාරකරුවන් පොලිසියට පවසා ඇත්තේ මහින්ද රාජපක්ෂ හිටපු ජනාධිපති වරයාගේ රැස්වීම අවසන් කොට නිවෙස් බලා ත්‍රීරෝද රථයකින් ගමන් කරමින් සිටියදී එක්සත් ජාතික පක්ෂ අපේක්ෂකයාගේ නිවස ඉදිරිපිට දී ත්‍රීරෝද රථය නවතා පහර දුන් බවත් ත්‍රීරෝද රථයේ සිටි තවත් තිදෙනෙකු ත්‍රීරෝද රථයෙන් බැස දිව ගොස් බේරුණු බව ය.
එක්සත් ජාතික පක්ෂ අපේක්ෂකයා කියා සිටියේ අධික ලෙස බීමත්ව එම පුද්ගලයන් ත්‍රීරෝද රථයකින් පැමිණ තම නිවෙස් වත්ත තුලට ත්‍රීරෝද රථය ඇතුළු කොට පරුෂ වචනෙන් බැන ගැනීමත් සමඟ ගැටුම්කාරී තත්වයක් ඇතිවූ බව ය. ඒ අනුව තමන් පොලීසියට පැමිණිලිකර බවත් හෙතෙම සඳහන් කළේය.
කෙසේ වෙතත් මෙම සිද්ධීන් දෙක පිළිබඳව දඹුල්ල මුලස්ථාන පොලිස් පරීක්ෂක සම්පත් වික්‍රමරත්න මහතා විශේෂ විමර්ශනයක් ආරම්භ කොට තිබේ.