ශිවලෝගනාදන් විද්‍යා දැරිය නාවික හමුදාව විසින් ඝාතනය කළ බව විද්‍යා ඝාතන නඩුවේ විත්තිකරුවෙකු වන මහාලිංගම් සශින්ද්‍රන් නමැත්තා (ප්‍රධාන සැකකරු මහාලිංගම් සශිකුමාර් නොහෙත් ස්වීස් කුමාර්ගේ සොහොයුරා) ත්‍රිපුද්ගල විනිසුරු මඩුල්ල ඉදිරියේ (28) දා පැවසීය.
නාවික හමුදාව විද්‍යා දැරිය ඝාතනය කොට ඒ සඳහා තමන් ඇතුළු පිරිසගේ නම් ඈදාගෙන ඇති අතර, තමන් ඇතුළු පිරිසගේ ජායාරූප යොදා ගනිමින් තමන් ඝාතනය සිදුකොට ඇති බවට සමාජගත කොට ඇති බවද සෂීන්ද්‍රන් ත්‍රිපුද්ගල විනිසුරු මඩුල්ල ඉදිරියේ පැවසීය.
මීට පෙර නඩු විභාගය මෙහෙයවු අපරාධ පරීක්ෂණ දෙපාර්තමේන්තුවේ පොලිස් පරීක්ෂක නිශාන්ත සිල්වා මහතා ත්‍රිපුද්ගල විනිසුරු මඩුල්ල ඉදිරියේ සාක්ෂි ලබාදෙමින් පැවසූවේ විත්තිකරුවන් අදාළ ඝාතනය නාවික හමුදාව සිදුකළ බවට ජනතාව අතර මතයක් ගොඩනැගීමට ආරමිභයේ සිටම උත්සහ ගෙන ඇති බවයි.
මේ අතර ත්‍රිපුද්ගල විනිසුරු මඩුල්ල ඉදිරියේ (29) සාක්කි දෙමින් විද්‍යා ඝාතනයේ ප්‍රධාන සැකකරු වන මහාලිංගම් සශිකුමාර් නොහොත් ස්වීස් කුමාර් නමැත්තා ප්‍රකාශ කර තිබුණේ යාපනය වෙලනෙයි ප්‍රදේශයේදී විදුලි කණුවක ගැටගසා මිනිසුන් තමන්ට පහදුරන් අවස්ථාවේ ළමා හා කාන්තා කටයුතු රාජ්‍ය ඇමතිණී විජයකලා මහේෂ්වරන් පැමිණ තමන් බේරාගත් බවයි.
විද්‍යා දැරිය ඝාතන සැකකරු නිදහස් කරන්න බලපෑම් කර ඇත්තේ විජයකලා !