නාවික හමුදා නිල ඇඳුම හොරකම් කිරීමට, මිනීමැරීමට හෝ වැරැදි කිරීමට අවසර දීමක් නොවන බවත් යුද වීරයෙක් වුවද නාවික හමුදාව තුළ වැරදිකර තිබෙනවා නම් එවන් පුද්ගලයකුට කිසිදු සමාවක් නොලැබෙන බව නාවික හමුදාපති වයිස් අද්මිරාල් ට්රැවිස් සින්නයියා පවසයි.
රණවිරුවකුට මීනිමරුවෙක් වීමට නොහැකි බවත්, මීනිමරුවකුට රණවිරුවෙක් වීමට නොහැකි බවටත් තමන් විශ්වාස කරන බවත් නාවික හමුදාවේ කිසිවකු වැරදි කර ඇති බවට සනාථ වුවහොත් කිසිදු සමාවක් නොලැබෙන බවත් නාවික හමුදාපතිවරයා කීය.
නාවික හමුදාපතිවරයා මේ බව පැවසුවේ ඊයේ (23) සිය ධුරයේ වැඩ බාර ගැනීමෙන් පසු නාවික හමුදා මුලස්ථානයේ පැවති ප්‍රථම මාධ්‍ය හමුව අමතමිනි.