Colombo Today Local News

කොවිඩ් මරණ සාමාන්‍ය මිනී පෙට්ටියක් රු.18,000යි. මල්ශාලාව නිෂ්පාධකයාගෙන් ගන්නේ දෙදාහට. – රජයට මැදිහත්විය නොහැකි බව ඇමති කියයි

කොවිඩ් වෛරසයේ ව්‍යාප්තිය හමුවේ මෙරට කොවිඩ් මරණ සඛ්‍යාව ඉහළයාමත් සමග අවමංගල කටයුතු සිදු කෙරන මල්ශාලා හිමියන් එක් සාමාන්‍ය මිනි පෙට්ටියක් සඳහා රුපියල් දස දහසේ සිට රුපියල් දහ අටදහසක් (10,000 – 18,000) දක්වා මුදලක් අය කරනු ලබයි.

කොවිඩ් මෘත දේහයක් රෝහලේ සිට ආදාහනාගාරය දක්වා රැගෙන යාම සඳහා මෙම මුදල අයකරන බවයි එම දේහයන් රැගෙන යාමට පැමිණි ඥාතීහු ප්‍රකාශ කළේ.

එහෙත් කොවිඩ් මරණ පහළ මට්ටමක පැවති කාලය තුළදී එක් මිනි පෙට්ටියක් සඳහා අය කරනු ලැබුවේ රුපියල් 6000ත් 8000ත් අතර මුදලකි.

මෙම කොවිඩ් දේහයන් බහාලන සාමාන්‍ය මිනි පෙට්ට් නිෂ්පාදනය සඳහා යොදාගනු ලබන්නේ ඇල්බිශියා(ගිනිසීරියා/වැටමාර) නමැති ලී වර්ගයයි.

පානදුර ප්‍රදේශයේ මෙම මිනි පෙට්ටි නිෂ්පාදනය සිදු කෙරෙන මහාපරිමාණ ආයතනයකින් කළ විමසුමකදී ඔවුන් ප්‍රකාශ කළේ මිනි පෙට්ටියේ ප්‍රමාණය අනුව තීන්ත අලේප කරන ලද එක් සාමාන්‍ය මිනි පෙට්ටියක් රුපියල් දෙදහසේ සිට රුපියල් තුන්දහසක (2000 – 3000) මුදලකට මල්ශාලාවන් වෙත ලබා දෙන බවයි.

රෝහලේ සිට ඇතැම් ආදාහනාගාර වෙත දුර ඇත්තේ කිලෝ මීටර 2කටත් අඩු දුරක් වුවද කොවිඩ් අවදානම් තත්වය හමුවේ සේවකයින් යෙදවීම නිසාත් ,එම මෘත දේහයන් රැගෙන යන වාහන විෂබිජහරණය කිරීම මෙන්ම ඒ සඳහා භාවිතා කෙරෙන ආරක්‍ෂිත ඇඳුම් කට්ටල නිසාත් මෙම මුදල අය කිරීමට සිදුව ඇතැයි එම මල්ශාලා හිමියන් සඳහන් කරයි.

ඇතැම් අවස්ථාවලදී මිළ අධික මිනි පෙට්ටිද මිළදී ගන්නා බවයි මල්ශාලා හිමියන් ප්‍රකාශ කළේ.

මිනි පෙට්ටි මිළ ඉහළ යාම සම්බන්ධයෙන් කළ විමසුමකදී පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න මහතා ප්‍රකාශ කළේ ඕනෑම භාණ්ඩයක මිළ පාලනය කිරීමට රජයක් ලෙස මැදිහත් වීමට අවකාශ තිබුණත් මිනි පෙට්ටි මිළ ඉහළ දැමීම සම්බන්ධයෙන් මැදිහත්විය විය නොහැකි බවයි.

එහෙත් මේ අවදානම් තත්වය හමුවේ ඉතාමත් වැදගත් කාර්ය භාරයක් සිදු කරන එම මල්ශාලා හිමියන්ගෙන් ඉල්ලා සිටින්නේ මානුෂිය හේතුන් මත සලකා බලා කොවිඩ් මරණ සඳහා ලබා දෙන මිනි පෙට්ටි සාධාරණ මිළකට ලබා දීමට කටයුතු කරන ලෙසයි.

මේ සම්බන්ධයෙන් පාරිභෝගික කටයුතු පිළිබඳ අධිකාරියේ සභාපති මේජර් ජෙනරාල් (විශ්‍රාමික) ඩී.එම්. ශාන්ත දිසානායක මහතාගෙන් කළ විමසුමකදී ඔහු ප්‍රකාශ කළේ ඒ සඳහා මැදිහත්වීමට තම අධිකාරියට නොහැකි බවත් එම මල්ශාලා හිමියන්ගෙන් ඉල්ලීමක් පමණක් සිදු කිරීමට හැකියාවක් පවතින බවයි.

එහෙත් කොවිඩ් මෘත දේහයන් ආදාහනය සඳහා පළාත් පාලන ආයතනවලට අයත් කිසිදු ආදාහනාගාරයක් මුදල් අයකිරීමක් සිදු නොකරයි.

(ඉන්දික ශ්‍රී අරවින්ද)

Related posts

වෙහිකල් ලංකා සමාගම හරහා කෝටි ගණනක බදු වංචාවක් කරන්න කැබිනට් පත්‍රිකාවක්

colombotoday

සංචාරකයින් රැගත් ස්විස් ගුවන් යානයක් කටුනායකට

colombotoday

ෆොන්සේකාගේ මන්ත්‍රීකමට තවත් කොක්කක්! 19 කැඩුවා කියා පාක්‍යසෝති නඩු දමයි

colombotoday

රඹුක්කන පොලිස් වෙඩි තැබීමෙන් මියගියේ අපේ සන්දිත් සමරසිංහ මහතාගේ ආධාරකරුවෙක් – රනිල් වික්‍රමසිංහ

colombotoday

නිශ්චිතවම හඳුනාගත නොහැකි අමුතු උපකරණයක් වෙරළට ගොඩගසයි

colombotoday

Harcourts කල් ඉකුත්වුණු බෙහෙත් ජාවාරම ඇමති රාජිතගේ අනුහසින් දිගටම

colombotoday