ජාත්‍යන්තර විනිසුරුවරුන් සහිත හයිබ්‍රිඩ් අධිකරණය ශ්‍රී ලංකාවේ ස්‌ථාපිත කිරීමට ජාත්‍යන්තර ප්‍රජාව ක්‍රියා කළ යුතු බව ඉල්ලමින් රජයේ සංහිඳියා කාර්ය සාධක බළකායේ ලේකම් පාක්‍යසෝති සරවණමුත්තු (20 වැනිදා) ජිනීවා මානව හිමිකම් කවුන්සිලයේ රැස්‌වීමක් ඇමතීය.
මෙම රැස්‌වීම අමතා නිමල්කා ප්‍රනාන්දු සහ රාජ්‍ය නොවන සංවිධාන ක්‍රියාකාරිනියක වූ සිවචන්ද්‍රන් සරෝජ සහ මුලතිව්හි රාජ්‍ය නොවන ක්‍රියාකාරිනියක වන පෙන්සිලා ද දේශන පවත්වති.
මෙම රැස්‌වීමේ අරමුණ කොටි මහවිරු දිනය සැමරීමට ඉඩ දිය යුතු බව දක්‌වන නිර්දේශ ඇතුළත් භයානක නිර්දේශ ඉදිරිපත් කළ රජයේ සංහිඳියා කාර්ය සාධක බළකායේ වාර්තාව ජාත්‍යන්තර ප්‍රජාව හමුවේ ප්‍රකාශයට පත්කිරීමයි.
මෙය මෙහෙයවන්නේ බ්‍රිතාන්‍ය එම් අයි බුද්ධි කණ්‌ඩායමේ චරපුරුෂයකු වූ ඩේවිඩ් බෙංගලි නමැත්තායි.
රජය පත්කළ කමිටුවක වාර්තාවක්‌ රජයේ අවසරයකින් තොරව රාජ්‍ය නොවන සංවිධාන ක්‍රියාකාරීන් පිරිසක් විසින් මානව හිමිකම් කවුන්සිලයේදී සාකච්ඡාවට ලක්‌කිරීම නීති විරෝධී ක්‍රියාවක්‌ බව ජිනීවා ආරංචි මාර්ග පවසයි.
ශ්‍රී ලංකා යුද හමුදාවේ ඉහළ නිලධාරීන් පවා විශ්මයට පත් කරවිමින් පාක්‍යෙසා්තී සරවණමුත්තු නැමැත්තා පසුගිය සතියේ කොතලාවල ආකරක්ෂක විද්‍යා පීඨයේ පැවැති උපාධි ප්‍රධානෝත්සවයේ ප්‍රධාන ආරාධිතයා ලෙස කැදවා තිබිණි.