ඉන්දියාවෙන් ආනයනය කළ නාඩු සහල් අද (29)දින සිට කිලෝග්‍රෑමයක් රුපියල් 98 බැගින් වෙළෙඳපොළට නිකුත් කරන බව ලංකා සතොස සභාපති විශ්‍රාමික රියර් අද්මිරාල් ආන්නද පීරිස් මහතා පවසයි.
ලැබුණු නාඩු කන්ටේනර් 09ක් මේ වනවිට රේගු නිශ්කාශන කටයුතුවලින් පසු තම ආයතනයට ලැබී ඇති බව සභාපතිවරයා සඳහන් කරයි.
මෙමගින් පාරිභෝගිකයින්ට සාධාරණ මිලකට සහල් අලෙවි කිරීමේ ක්‍රියාවලිය තවදුරටත් පුළුල් වන බව ඔහු ප්‍රකාශ කරයි.
මේ අතර කොළඹ වරායේ තිබූ සීනි කනර්ටේනර් 81ක් ද ලංකා සතොස ආයතනය වෙත මේ වනවිට නිදහස් කර තිබේ .
එම සීනි තොග ද රජයේ පාලන මිල යටතේ සතොස ශාඛා හරහා ජනතාවට ලබාදෙන බව ඔහු පවසයි.