මහල් නිවාස සංකීරණයක් ඉදිකිරීම සදහා කොළඹ, කොම්පඤ්ඤ වීදියේ පිහිටි අක්කර අටක ඉඩමක් සෘජු විදෙස් ආයෝජනයක් සහිත පුද්ගලික සමාගමකට බදු සහනද සහිතව පවරා දීමට රජය තීරණය කර ඇත.
ඇමරිකානු ඩොලර් මිලියන 429.5 (රුපියල් මිලියන 64,425) ක මුදලකට වන් කලම්බු ප්‍රොජෙක්ට් (ප්‍රයිවෙට්) ලිමිටඩ් නම් සමාගමට පවරාදීම සම්බන්ධ අති විශේෂ ගැසට් නිවේදනය සංවර්ධන උපාය මාර්ග හා අන්තර්ජාතික වෙළෙඳ ඇමැති මලික් සමරවික්‍රම වෙනුවෙන් ආණ්ඩු පක්ෂයේ ප්‍රධාන සංවිධායක ගයන්ත කරුණාතිලක ඇමැතිවරයා පාර්ලිමේන්තුවට ඉදිරිපත් කෙළේය.
ක්‍රමෝපායික සංවර්ධන ව්‍යාපෘති පනත යටතේ ඇමෙරිකන් ඩොලර් මිලියන 429.5ක අපේක්ෂිත ආයෝජනයක් සහිත ප්‍රති සංවර්ධන සහ මිශ්‍ර සංවර්ධන ව්‍යාපෘතියක් වන මේ සඳහා ඇමැති මණ්ඩල අනුමැතිය හිමිවී ඇති බව එම ගැසට් පත්‍රයෙහි සඳහන්ය.