සාදයක් අවසානයේ ඇතිවූ සිදුවීමක් මුල්කරගෙන පුද්ගලයෙකු විසින් තවත් පුද්ගලයෙකුට තියුණු ආයුධයකින් පහරදී ඝාතනය කර තිබේ.
මට්ටක්කුලිය පොලිස් වසමේ පොකුණු වත්ත ප්‍රදේශයේ ඊයේ (26) උදෑසන මෙම ඝාතනය සිදු වී තිබේ.
එලෙස මියගොස් ඇත්තේ, 22 හැවිරිදි පල්ලියපාර, මට්ටක්කුලිය ප්‍රදේශයේ පංදිචිකරුවෙකි.
මියගිය පුද්ගලයා තවත් පිරිසක් සමග මත්පැන් සාදයක් පවත්වා ඇති අතර එම සාදය අවසානයේ ඇතිවූ බහින්බස් වීමක් දුරදිග යාමෙන් එම ඝාතනය සිදුව ඇති බව පොලීසිය සඳහන් කරයි.
ඝාතනය සිදුකළ සැකකරු හඳුනාගෙන ඇති අතර ඔහු මේ වන විට ප්‍රදේශයෙන් පළාගොස් ඇති බව පොලීසිය සදහන් කර සිටි.
සැකකරු අත්අඩංගුයට ගැනීම සඳහා මට්ටක්කුලිය පොලීසිය වැඩිදුර විමර්ශන සිදුකරයි.