ශ්‍රී ලංකා මුහුදු සීමාවේදී තමිල්නාඩු ධීවරයන්ට සිදුවන හිරිහැර සම්බන්ධයෙන් ඉන්දීය රජය කඩිනමින් මැදිහත් විය යුතු බව දන්වමින් තමිල්නාඩු නව මහ ඇමති ඕ. පනීර් සෙල්වම් අග්‍රාමාත්‍ය නරේන්ද්‍ර මෝදි වෙත ලිපියක් යොමුකර තිබෙනවා.
හිටපු මහඇමතිනී ජය ලලිතා ජයරාම්ගේ අභාවයෙන් පසු තමිල්නාඩු මහ ඇමතිධුරයට පන්නීර් සෙල්වම් පත්වීමෙන් පසු ඉන්දු – ලංකා ධීවර ගැටළුව පිළිබද ඉන්දීය රජය වෙත යැවූ පළමු ලිපියද මෙය වනවා.
ඉන්දීය වාර්තා සදහන් කරන්නේ පසුගිය නොවැම්බර් 19 වනදා තමිල්නාඩු ධීවරයන් 15 දෙනෙකු අත්අඩංගුවට ගැනීම පිළිබදවද ඔහු සිය ලිපියෙන් පෙන්වා දී ඇති බවයි.