රට හොල්මන් වෙන අයවැයක් ඉදිරිපත් කරන බව මුදල් ඇමතිවරයා ප්‍රකාශ කළද ඉදිරිපත් කර ඇත්තේ සකසුරුවම් අයවැයක් බව ජාතික හෙළ උරුමය ප්‍රකාශ කරයි. රජය ආදායම් වැඩිකර ගන්නා ගමන් වියදම් පාලනය කරගන්නා අයවැයක් ඉදිරිපත් කර ඇති බවයි එම පක්ෂයේ මාධ්‍ය ප්‍රකාශක නිශාන්ත ශ්‍රී වර්ණසිංහ මහතා පෙන්වා දෙන්නේ.
අයවැය සම්බන්ධයෙන් ජාතික හෙළ උරුමයේ අදහස ප්‍රකාශ කිරීම සඳහා අද (16) පැවති මාධ්‍ය හමුවේදී වර්ණසිංහ මහතා මේ බව ප්‍රකාශ කළේය.
රටේ ආර්ථිකය ප්‍රසාරණය වීම වෙනුවට ආර්ථිකය සංකෝචනය වීම හැකිළීම මෙවැනි අයවැයක් තුළින් සිදුවන බවයි එම පක්ෂය පෙන්වා දෙන්නේ. ඒ අනුව ජනතාව අතට ලැබෙන මුදල් ප්‍රමාණය අවම වන නිසා ඔවුන්ට මිලදී ගැනීමේ හැකියාව අඩු වන බවයි වර්ණසිංහ මහතා පවසන්නේ.