විදේශීය රටක නිෂ්පාදිත විවිධ වර්ගයේ දුම්වැටි තොගයක් නීති විරෝධී ලෙස සන්තකයේ තබාගෙන අලෙවි කරමින් සිටි පුද්ගලයෙකු විශේෂ කාර්ය බලකා නිලධාරීන් විසින් අත්අඩංගුවට ගෙන තිබේ.
මෙම පුද්ගලයා බදු නොගෙවා මෙරටට ගෙන්වන ලද විවිධ වර්ගයේ විදේශිය දුම්වැටි 11,600ක් සන්තකයේ තබාගෙන සිටි බව සඳහන් වේ.
මෙසේ අතඩංගුවට ගෙන ඇත්තේ, මාගාල්ල, ගාල්ල ප්‍රදේශයේ පදිංචි 52 හැවිරිදි සැකකරුවෙකි.
සැකකරු වැඩිදුර විමර්ශන කටයුතු සඳහා ගාල්ල වරාය පොලිස් ස්ථානය වෙත භාර දී තිබේ.
විශේෂ කාර්ය බලකාය රත්ගම කඳවුරේ නිලධාරීන්ට ලද තොරතුරකට අනුව මාගාල්ල, ගාල්ල ප්‍රදේශයේ දී මෙම වැටලීමක් සිදුකල බවයි වැඩිදුරටත් සඳහන් වේ.