ශ්‍රී ලංකා මහ බැංකුවේ අනුමැතියකින් තොරව මූල්‍ය ආයතනයක් පවත්වාගෙන ගොස් මහජනතාවගෙන් තැන්පතු මුදල් ලබාගෙන සාවද්‍ය ලෙස පරිහරණය කළේ යැයි චෝදනා එල්ලවී සිටින සක්විති රණසිංහ සහ ඔහුගේ බිරිඳට එරෙහිව ගොනුකර තිබෙන නඩුව විභාග කිරීම සඳහා කොළඹ මහාධිකරණය දින නියම කර තිබේ.
මෙම නඩුව අද (18)දින කොළඹ මහාධිකරණ විනිසුරු ආදිත්‍ය පටබැඳිගේ මහතා ඉදිරියේ කැඳවනු ලැබීය.
එහිදී විනිසුරුවරයා නියෝග කර ඇත්තේ, අදාළ නඩුව ජුලි මස 19 වනදා විභාගයට ගන්නා බවය.
මෙම නඩුව අද කැඳවනු ලැබූ අවස්ථාවේදී විත්තිකාර සක්විති රණසිංහ සහ ඔහුගේ බිරිඳ අධිකරණය හමුවේ පෙනී සිටි අතර ඔවුන් මේ වනවිට අධිකරණය විසින් ඇප මත මුදාහරිනු ලැබ සිටියි.
මෙම සිද්ධියට සම්බන්ධ සැකකරුවන් නවදෙනකු මීට පෙර නීතිපති උපදෙස් මත නිදහස් කර තිබුණි.