චීන ජනාධිපති, ෂී ජින්පින්ග් සහ යුක්‍රේන ජනාධිපති, වොලොඩිමයර් සෙලෙන්ස්කි පැයක පමණ දුරකතන සංවාදයක් පවත්වා තිබේ.
රුසියාව යුක්‍රේන ආක්‍රමණය ආරම්භ කිරීමෙන් අනතුරුව චීන ජනපතිවරයා යුක්‍රේන ජනපති ඇමතු පළමු අවස්ථාව මෙය වන බව විදෙස් මාධ්‍ය වාර්තා කරයි.
සාමය ස්ථාපනය කිරීම වෙනුවෙන් යුක්‍රේනයට අවශ්‍ය සහයෝගය ලබා දීමට චීන ජනාධිපතිවරයා මෙහිදී එකඟ වී තිබේ.
දුරකතන සංවාදයේ දී ද්විපාර්ශ්වික සබඳතා පිළිබඳ පුළුල් ලෙස සාකච්ඡා කළ බව ද යුක්‍රේන ජනාධිපතිවරයා සඳහන් කර තිබේ.