Colombo Today Local News

මෙවර මහ කන්නයේ වී අස්වැන්න අඩු වෙයි

මෙවර මහ කන්නයේ හෙක්ටෙයාර් එකකට ලැබුණු වී අස්වැන්න මෙට්‍රික් ටොන් 3.1ක් බව කෘෂිකර්ම දෙපාර්තමේන්තුව තහවුරු කර තිබේ.

2021 මහ කන්නයට පෙර මෙරටින් හෙක්ටයාර් එකකින් ලද වී අස්වනු ප්‍රමාණය මෙට්‍රික් ටොන් 4.1 සිට 4.5 දක්වා ඉහළ මට්ටමක පැවති බව සඳහන්.

එමෙන්ම රසායනික පොහොර භාවිතය තහනම් කිරීමත් සමග 2021 මහ කන්නයේ හෙක්ටයාර් එකකින් ලැබූ වී අස්වැන්න මෙට්‍රික් ටොන් 2.1ක් දක්වා තවදුරටත් පහත වැටුණි.

කෙසේ වෙතත් 2022 යල කන්නයේ සිට නැවතත් රසායනික පොහොර ලබා දීමට රජය ගත් තීරණයත් සමග මෙරට හෙක්ටයාර් එකකට ලැබෙන වී අස්වනු ප්‍රමාණය මෙට්‍රික් ටොන් 3.1ක් දක්වා ඉහළ ගිය බව එම අමාත්‍යංශය පවසයි.

අමාත්‍ය මහින්ද අමරවීර මහතා සදහන් කරන්නේ, මෙරට සහල් අවශ්‍යතාවය සම්පූර්ණ කිරීම සඳහා එම වී ප්‍රමණවත් නොවන බවයි .

මේ හේතුවෙන් මෙරට වී වගාව සම්බන්ධයෙන් දස අවුරුදු සැලැස්මක් කෘෂිකර්ම අමාත්‍යාංශය සහ කෘෂිකර්ම දෙපාර්තමේන්තුව සැලසුම් කර තිබේ.

ඒ අනුව ඉදිරි වසර 03 තුළ හෙක්ටයාර් එකකට ලැබෙන වී අස්වැන්න මෙට්‍රික් ටොන් 4.5 දක්වාත්, වසර 05ක් තුළ මෙට්‍රික් ටොන් 5.2 දක්වාත් වසර 10ක් තුළ මෙට්‍රික් ටොන් 5.5 දක්වාත් ඉහළ නැංවීමට සැලසුම් කර ඇත.

Related posts

පොට්ටුඅම්මාන් ගැන හිටපු කොටි සාමාජිකයන්ගෙන් හෙළිදරව්වක්…

colombotoday

රිෂාඩ් බදුර්දීන් මාවිල්ලු රක්ෂිතයත් ගිලී.. අක්කර 2500ක් දැනටමත් ඉවරයි

colombotoday

රන් භාණ්ඩ සොරකමේ ගිය අඹුසැමි යුවළක් අත්අඩංගුවේ

Admin

රට විවෘත කිරීමට ගෙන ඇති තීරණය වෙනස් විය හැකි

colombotoday

මැතිවරණය වළක්වන්නැයි ඉල්ලා ගොනු කර ඇති පෙත්සම යළි කැඳවීම 23 වැනිදා..

Admin

ජනාධිපතිවරණයට මම ඉදිරිපත් කරන අපේක්ෂකයා ජය ගන්නවා – මහින්ද රාජපක්‍ෂ ඉන්දියාවේදී කියයි

colombotoday