කැලණිතිස්ස ඒකාබද්ධ චක්‍රීය බලාගාරයේ විදුලි ජනන කටයුතු ඊයේ (2) රාත්‍රියේ ඇනහිටි බව වාර්තා වේ.
ජාතික විදුලිබල පද්ධතියට සුවිසල් දායකත්වයක් ලබාදෙමින් මෙගාවොට් 165කින් ක්‍රියාත්මක කෙරෙන මෙම බලාගාරයේ විදුලි උත්පාදනය සඳහා ප්‍රමාණවත් නැප්තා තොග ලබා නොදීම හේතුවෙන් මෙලෙස එය ඇනහිටි බව ද එහි නිලධාරියෙකු සදහන් කරයි.
තෙල් සංස්ථාව සතුව නැප්තා ලීටර් මිලියන 2000ක් තිබියදී එය ලබා නොදීම හේතුවෙන් මෙලෙස මෙම බලාගාරය අක්‍රිය වූ බව ද එම නිලධාරියා පවසයි.
ඩීසල් බලාගාරයන්ට සාපේක්ෂව විදුලි ඒකකයක් නිෂ්පාදනය කිරීම සඳහා අඩු වියදමක් නැප්තා බලාගාරයන් සතු බව ද ඔහු වැඩිදුරටත් සදහන් කරයි.