නව ආණ්ඩුක්‍රම ව්‍යවස්ථා කෙටුම්පත සඳහා ආණ්ඩු පක්ෂයේ හෝ විපක්ෂයේ කිසිදු පාර්ශ්වයක සහයෝගයක් මේ දක්වා ලැබී නොමැති බව ආණ්ඩුක්‍රම ව්‍යාවස්ථාවක් සම්පාදනය කිරීම සඳහා පත් කළ විශේෂඥ කමිටුවේ සාමාජික, ජනාධිපති නිතීඥ මනෝහාර ද සිල්වා මහතා කොළඹ පැවති සම්මන්ත්‍රණයකට එක්වෙමින් පැවසීය.
නව ව්‍යවස්ථා කෙටුම්පත දේශපාලනඥයින්ට හිතකර කොටුම්පතක් නොවන බව ද ඔහු සඳහන් කළේය.
ශ්‍රී ලංකාව වෙනුවෙන් නව ආණ්ඩුක්‍රම ව්‍යාවස්ථාවක් සම්පාදනය කිරීම සඳහා අමාත්‍ය මණ්ඩලය විසින් පත් කළ විශේෂඥ කමිටුව විසින් සම්පාදන කළ නව ව්‍යවස්ථා කෙටුම්පත පිළිබඳ විද්වත් කථිකාවක් එලෙස ඊයේ (12) කොළඹ පදනම් ආයතනයේදී පැවැත්වුණි.
බුද්ධශාසන කාර්යය සාධක මණ්ඩලය විසින් මෙම විද්වත් කථිකාව සංවිධානය කර තිබුණි.