සෞඛ්‍ය සේවය පෞද්ගලික අංශය සමග ඒකාබද්ධ කර දියුණු කිරීමට ආණ්ඩුව සැලසුම් කර ඇතැයි නියෝජ්‍ය අමාත්‍ය ආචාර්ය හර්ෂ ද සිල්වා පවසයි.
නෙත් ගුවන්විදුලිය සමග අදහස් දක්වමින් නියෝජ්‍ය අමාත්‍යවරයා පවසා ඇත්තේ ඉන්දීය ප්රදානයක් ලෙස ලැබුණු ගිලන් රථ සේවය එහි පළමු පියවර ලෙස යොදා ගැනීමට අපෙක්ෂා කරන බවයි.
“සෞඛ්‍යත් නිකන් දෙන්නේ නැහැ. කවුරුහරි ගෙවනවා ඒ කියන්නේ සමාන්‍යයෙන් බදු ගෙවන පුද්ගලයෝ. ඒ බදු හරහා තමයි යම් කිසි සේවාවල් නිකන් ලබා දෙන්නේ. මට ඕනේ කරන්නේ ඒකට පුද්ගලික අංශයෙත් දායකත්වයත් අරගෙන අපිට අරමුදලක් මේක හරහා නිර්මාණය කරලා , ආණ්ඩුවෙන් අවශ්‍ය ප්‍රමාණය විතරක් ගෙවලා මේ වැඩේ ඉස්සරහට ගෙනියන්න”.
ඉන්දීය ප්රදානයක් ලෙස ලැබුණු ගිලන් රථ සේවය දැනට කි‍්‍රයාත්මක වන්නේ කිසිදු ගාස්තුවක් අය නොකරයි. එහෙත් ඉදිරියේදී ඒ සඳහා විකල්ප ක‍්‍රමයක් හඳුන්වාදීමට සිදුවනු ඇති බවටද නියෝජ්‍ය ඇමතිවරයා එහිදී ඉගි පළකර ඇත.