Colombo Today Local News

මාත් “සරණ“ පූසා වගේ.. හදන්නම බෑ

udaya gammanpila

හිරේ දමා තමාව හීලෑ කර ගත නොහැකි බවත් යකාට බයනම් සොහොනේ ගෙවල් හදන්නේ නැති බවත් පිවිතුරු හෙළ උරුමයේ මහ ලේකම් පාර්ලිමේන්තු මන්ත්‍රී උදය ගම්මන්පිල මහතා පවසයි.

හෙතෙම මේ බව කියා සිටියේ අද(12)කොළඹ පැවති මාධ්‍ය හමුවකදීය.

එසේම තමා සිඳු කතාවේ සරණ නම් පූසා වගේ බවද ඔහු පැවැසීය.

” මමත් හරියට සිදූ කතාවේ ඉන්න සරණ පූසා වගේ.  මමත් හදන්නම බෑ තමයි.  මගේ පාසල් සමයේ මගේ ආදරණීය විදුහල්පති ආර් අයි ටී අලස් මැතිතුමා ඒ දවස්වල හිනා වෙවි කියනවා ගමන් කරන පිල හදන්නම බෑ කියලා.  එතුමාගේ ගෝලයින් වන අගමැතිතුමා සභානායකතුමා එජාප සභාපතිතුමා ඒ පාඩම එතුමාගෙන් ඉගෙන ගෙන නෑ වගේ.” යැයි ඔහු පැවැසීය.

එසේම මේ වන විට ඩෙන්මාර්ක ආගමන විගමන දෙපාර්තමේන්තුව සිය වීසා ලබාදිමේදී උපන් රට තෝරා ගන්නා ලැයිස්තුවට දෙමළ ඊළමද ඇතුළත් කර තිබෙන බවද ඔහු පැවැසීය.

“මේ වෙනකොට ඩෙන්මාර්කයෙන් දෙමළ ඊලම වෙනම රටක් විදිහට මතුවේවා. ඩෙන්මාර්ක් ආගමන විගමන දෙපාර්තමේන්තුවේ වීසා ලබා දීමේ දී තමන් උපන් රට තෝරා ගන්න ලැයිස්තුවක් ඉදිරිපත් කරනවා.ඒ ලැයිස්තුවේ තිබෙනවා දෙමළ ඊළම. මීට කලින් ඔස්ට්‍රේලියානු සංඛ්‍යා ලේඛණ දෙපාර්තමේන්තුව පැවැත්වූ විද්‍යුත් සංගණනයේ දී තමන් උපන් රට තෝරා ගන්නා ලැයිස්තුවට දෙමළ ඊළම ඇතුලත් කර තිබුණා. තානාපති කාර්යාලය කිසිම දෙයක් කලේ නෑ.  ඒ රටේ ජීවත් වන ලාංකික ජනතාවගේ බලවත් විරෝධය හමුවේ එය වෙනස් කරන්න ඔස්ට්‍රේලියානු ආණ්ඩුව එකඟ වුණා. එම සංගණනයත් ඉවර වෙලා ලංකාව තුලත් මීට එරෙහිව විරෝධතා ඇතිවෙද්දි තමයි මෙරට විදේශ කටයුතු අමාත්‍යාංශය මේ පිලිබදව සිය විරෝධය පළ කලේ.” යනුවෙන්ද පවසා සිටියේය.

සම්පූර්ණ කතාවට පහතින් සවන් දෙන්න

Related posts

O/L ප්‍රතිඵල නිකුත් වෙයි

Admin

ලාදුරු රෝගීන්ගේ වැඩිවීමක්

colombotoday

මෝටර් රථයෙන් හප්පා කාන්තාවක් ඝාතනය කර පලා ගිහින්

colombotoday

ත්‍රිරෝද රථ ඉන්ධන කෝටාව වැඩි කරන්න යයි

colombotoday

RMV සතියට දවස් දෙකක් වැඩ නෑ

colombotoday

ඉස්ලාම් භක්තියන් සතුව තිබී හමුවූ කඩු සදහා දඩය රුපියල් 50යි – හර්ෂ ද සිල්වා පාර්ලිමේන්තුවේදී හෙළිකරයි…

colombotoday