කොටි හිතවාදී ඩයස්පොරා කණ්ඩායම් මැලේසියාවේ ශ්‍රී ලංකා මහ කොමසාරින් අයි. අන්සාර් මහතාට පහර දී තිබෙනවා.
මැලේසියාව බලා ගිය ඒකාබද්ධ විපක්ෂයේ දූත පිරිසේ පාර්ලිමේන්තු මන්ත්‍රී දිනේෂ් ගුණවර්ධන මහතා සමග ගුවන්තොටුපළ වෙත ගොස් යළි එමින් සිටියදීයි මහ කොමසාරිස්වරයා මෙම පහකෑමට ලක්ව තිබෙන්නේ.
මැලේසියාව බලා ගිය හිටපු ජනාධිපති මහින්ද රාජපක්ෂ මහතාට එරෙහිව ඉකුත් දින කිහිපයේදී කොටි ඩයස්පොරා කණ්ඩායම්වලින් දැඩි විරෝධයක් එල්ල වූ අතර, හිටපු ජනාධිපතිවරයා පැමිණීමට නියමිතව තිබූ සෙන්ටුල් බෞද්ධ විහාරයේ අධිපති හිමියන්ටද ප්‍රහාරයක් එල්ලකර තිබුණා.
මේ හේතුවන් හිටපු ජනාධිපතිවරයාගේ ආරක්ෂාව තර කිරීමට එරට රජය පියවර ගෙන තිබෙන අතර, හෙට දිනයේ (05) හිටපු ජනාධිපති මහින්ද රාජපක්ෂ මහතා යළි දිවයිනට පැමිණීමට නියමිතයි.