මෙරට ආර්ථිකය යථා තත්ත්වයට පත්කිරීමට නම් තවදුරටත් කැපකිරීම් කළ යුතු බව මහ බැංකු අධිපති නන්දලාල් වීරසිංහ මහතා සඳහන් කරයි.
එසේ කටයුතු කළහොත් කෙටි කලකින් රට තුළ ස්ථාවර ආර්ථිකයක් ගොඩනැගිය හැකි බවද හෙතෙම පැවසීය.
කලක් තිස්සේ අනුගමනය කරන ලද වැරදි සහගත ආර්ථික ප්‍රතිපත්ති හේතුවෙන් අද වන විට මෙරට ආර්ථික අර්බුදයකට පත්ව ඇති බවද හෙතෙම සඳහන් කළේය.
ඒ මහතා මේ බව කියා සිටියේ ශ්‍රී ජයවර්ධනපුර විද්‍යාලයේදී පැවැති උත්සව සභාවක් අමතමිනි.