රාජ්‍ය ආයතන ඇතුළු විවිධ පාර්ශ්වයන්ට ලබාදී ඇති ඉඩම් වෙනුවෙන් අයවිය යුතු පන්කෝටි අනූ ලක්ෂයක බදු මුදල් නොගෙවා පැහැර හැර ඇතැයි ඉඩම් කොමසාරිස් ජනරාල් කීර්ති ගමගේ පවසයි.
ඒ මහතා පෙන්වා දෙන්නේ එම දෙපාර්තමේන්තුවට අයත් ඉඩම් කොටස් 1200ක් පමණ බදු දී ඇති අතර පසුගිය වසර 5ක කාලය පුරාම ඊට බදු ගෙවීම් පැහැර හැර ඇති බවයි.
ගෙවීම් පැහැර හැරීම සම්බන්ධයෙන් ඉදිරි දින කිහිපයේදී ඔවුන්ට එරෙහිව නඩු පැවරීමට පියවර ගන්නා බවද ඉඩම් කොමසාරිස් ජනරාල්වරයා අවධාරණය කරයි.