ArticlesColombo Today Local News

බ්‍රිතාන්‍ය කිරීටයෙන් සිරිලක මුළුමනින්ම නිදහස ලැබූ.. ජාතියට අමතකව යන ජනරජ දිනය

13275246_10209249457298461_1281660877_o (1)

වසර 44 කට පෙර 1972 මැයි 22 වනදා අපේ මවු පොළොව මුළුමනින්ම බ්‍රිතාන්‍ය කිරීටය යටතින් ගලවා ගත දිනයයි . සිලෝන් …. සැබවින්ම ශ්‍රී ලංකා ව බවට, පත් වූ පූර්ණ නිදහස සාක්‍ෂාත් කරගත් දිනයයි . සෝල්බරි ව්‍යවස්ථාව එහෙම්පිටින්ම ඉවත් කළ දිනයයි .ශ්‍රී ලංකාව ඒකීය රාජ්‍යයක් ලෙසත් එහි බුදුදහමට ප්‍රමුඛස්තානයත් , පැහැදිළිවම පිළිගත් ජනරජ ව්‍යවස්ථා සම්මත වූ දිනයයි . හමුදා හා අධිකරණ බල විෂයයෙහි අපේ මවු පොළොවේ නිවැරදි අයිතිය ව්‍යවස්ථානුකූලවම පිළිගෙන ස්ථාපිත වූ දිනයයි . එනයින්ම ජනරජ ලාංජනයත් , ඊට ධර්ම චක්‍රයත් – ඉරත් – හඳත් – පුන්කලසත් – පළාපෙති මධ්‍යයේ අසිපත අරා සිටින සිංහ රුවත් එක්වන්නේ මේ දිනා ගත් සැබෑ නිදහස නිසාය . ඒ පමණක් නොව ජාතික ධජයේ රතු පැහැ කොටසේ සිවු කොණට බෝපත් හතරක් එකතුවන්නේ ද 1972 මැයි 22 වනදා ලද ජාතික ජයග්‍රහණය හේතුවෙනි . ඒ පමණක් නොව queens house ජනාධිපති මන්දිරය වූයේ ද මෙදින පටන්ය .

1948 සෝල්බරි ව්‍යවස්ථාව කරපින්නාගෙන , රාජ්‍යයේ ප්‍රධානත්වය බ්‍රිතාන්‍ය රැජින වෙත තබා තිබියදී අපට ලබා දුන් නිදහස, සක්‍රීය කරගැන්මට එතැන් පටන් එක්සත් ජාතික පක්ෂයට උවමනාවක් නොවිණි . ඔවුන්ගේ අභිප්‍රාය වූයේ අධිරාජ්‍යයවාදය කරපින්නාගෙන යාමය . 1956 පෙරළියෙන් පසු මේ ක්‍රමය වෙනස් කිරීමට එස් . ඩබ්ලිව් .ආර් .ඩී .බණ්ඩාරනායක අගමැතිවරයාටද ඉඩක් නොලැබුණි .

එහෙත් 1970 මහ මැතිවරණයෙන් බිහිවූ සමගි පෙරමුණ ආණ්ඩුවට මේ පිළිබඳව සැබෑ වුවමනාවක් තිබුණි . වෙසෙසින්ම ලංකා සමසමාජ , කොමියුනිස්ට් පක්ෂ , දේශපාලන නායකයින් සිරිමාවෝ බණ්ඩාරනායක අගමැතිනිය සමග මෙම ජයග්‍රාහී ගමන අවසානයක් දක්වාම මෙහෙය වීම සැබෑ සන්ධාන ගතවීමේ ජනතා ජයග්‍රහණකි. ඒ ය අදටත් ආදර්ශයකි . ආචාර්ය කොල්වින් ආර් .ද සිල්වා ස්වකීය දේශපාලන පරිනතභාවයේ ප්‍රතිපලය ජාතිය හමුවේ තැබුවේ මේ ජනරජ ව්‍යවස්ථා සකස්කිරීමේ බාරධුර වගකීමට මූලිකත්වය ලබා දෙමිනි .

1972 මැයි 22 දහවල් 12 .56 ට යෙදුණු නැකත් වේලාවෙන් ශ්‍රී ලංකා ජනරජය ප්‍රකාශයට පත්කළේ බණ්ඩාරනායක අගමැතිනිය විසිනි . සමගි පෙරමුණ ආණ්ඩුව සෝවියට් ක්‍රමයකට නැඹුරුවක් තිබුණ ද බණ්ඩාරනායක අගමැතිණිය නොබැඳි නායකයින්ගේ සමුළුවට නායකත්වය දී 1976 අගෝස්තුවේ ජගත් නොබැඳි මහා සමුළු ව කොළඹ දී පත්වන්නට සමත්වූවාය . එහෙත් ඊට වසරකට පසුව 1977 මහා මැතිවරණයෙන පරාජයට පත්වන ඇයට අභූත චෝදනා එල්ල කරමින් ඇයගේ ප්‍රජා අයිතිය නැතිකිරීමට තරම් එවකට පාලන බලය ලබාගත් එක්සත් ජාතික පක්ෂය සැහැසි විය . එදා එක්සත් ජාතික පක්ෂයේ ප්‍රබලයෝ අදත් එම පක්ෂයම නියෝජනය කරමින් ආණ්ඩු බලය පවත්වාගෙන් යන්නේ බණ්ඩාරනායක අගමැතිනියගේම දෙටු දියණිය චන්ද්‍රිකාගේ ද පූර්ණ ආශීර්වාදයෙන් හා ශ්‍රී ලංකා නිදහස් පාක්ෂිකයන් කණ්ඩායමකගේද සහයෙන් වීම අපගේ අවධානයට යොමු විය යුතුය .

– දක්ෂිණ බෝධිනායක විසිනි .

Related posts

Video – බදුර්දීන්ගෙන් විල්පත්තුව බේරා, පරිසරයට යුක්තිය දෙන්න පරිසරවේදියෝ වීදි බසිති

colombotoday

අයහපත් කාලගුණයෙන් 1,500කට අධික පිරිසක් පීඩාවට

Admin

කොවිඩ් ව්‍යාප්තිය හමුවේ මුව ආවරණ යළි අනිවාර්ය කිරීමට සාකච්ඡා

colombotoday

ප්‍රදේශ කිහිපයකට වැසි.

colombotoday

“රෑ වැටුණු වලේ දවල් වැටෙන්න ලෑස්ති නෑ..“ මහින්ද ශ්‍රීලනිප මහඇමතිවරුන්ට කියයි

colombotoday

සහජීවනය සිරිකොතෙන් දෝරෙ ගලයි.. මුජිබර් රහුමාන් බුද්ධාගමට මහ දවාලේ අපහාස කරයි (Video)

colombotoday