පසුගිය වසරේ මුල් මාස එකොළහ තුල ශ්රී ලංකා ඛණිජ තෙල් නීතිගත සංස්ථාව කෝටි 132ක් පාඩු ලබා ඇතැයි ඛනිජ තෙල් සම්පත් සංවර්ධන අමාත්‍ය වරයා ප්‍රකාශ කරයි.
ඩිසල් අලෙවියෙන් ලබන සුළු ලාභය ඒ පාඩුව පිරිමැසීමට තරම් ප්‍රමාණවත් නොවන බව ඇමැති චන්දිම වීරක්කොඩි පාර්ලිමේන්තුව හමුවේ කියා සිටියේය.
දෙසැම්බර් මාසයේ මිළ ගණන් පදනම් කොට ගත් කල ඩීසල් ලීටරයකින් උපයන ලාබය රුපියල් 17.13ක් බවයි ඔහු ප්‍රකාශ කළේ.
ඛණිජ තෙල් සංස්ථාවටත්, ලංකා ඉන්දියන් ඔයිල් සමාගමටත් පනවා ඇත්තේ ඒක සමාන බදු වීම ඊට හේතුව ලෙස ඔහු විසින් දක්වන ලදී.
මේ වනවිට ශ්රී ලංකාවට ගෙන්වනු ලබන ඩීසල් බැරලයක් සඳහා ඇමරිකා ඩොලර් 48.80 ක්ද, පැට්‍රෝල් බැරලයක් සඳහා ඩොලර් 56.50ක් ද ගෙවන බව අමාත්‍ය වීරක්කොඩි හෙළි කළේය.