පොලිස් මූල්‍ය අපරාධ කොට්ඨැසය විසුරුවා හැරිමට යන බව පලවන වාර්තා සත්‍ය නොවන බවත්, විසුරුවා හැරීමේ කිසිම අදහසක් නොමැති බවත් නියෝජ්‍ය අමාත්‍ය අජිත් පී පෙරේරා මහතා පවසයි.
ජනතා විමුක්ති පෙරමුණේ පාර්ලිමේන්තු මන්ත්‍රී සුලින් හදුන්නෙත්ති මහතා පදනම් විරහිතව එවැනි තොරතුරුක් ප්‍රකාශ කර ඇති බවත් කිසිලෙසකින්වත් මුල්‍ය අපරාධ කොට්ඨාසය විසුරුවාහැරීමට ඉඩ නොදෙන බවත් ඔහු පවසයි.
පොලිස් මූල්‍ය අපරාධ කොට්ඨාසය පිහිටවූයේ විශේෂ අරමුණක් ඇතිව. ඒ තමයි ලෝක හොරු අල්ල ගන්න එක. ඒ නිසා මූල්‍ය අපරාධ කොට්ඨාසයේ නිළධාරීන්ට කලකිරෙන්න කිසිම හේතුවක් නැහැ. ඔවුන් බොහොමයක් විමර්ශන අවසන් කරලා නීතිපතිට භාරදීලයි තිබෙන්නේ. මූල්‍ය අපරාධ කොට්ඨාසය විසුරුවන්න නොවෙයි තවත් ශක්තිමක් කරලා අපේ ආණ්ඩුවේ කවුරු හරි හොරකමට සම්බන්ධයිනම් එවුන්ව අල්ල ගන්නත් අනාගතයේ හොරකම් සිදු නොවෙනන්ත් මූල්‍ය අපරාධ කොට්ඨාසය අවශ්‍යයි.