Colombo Today Local News

“සීමා ඉවත් කිරීම කොවිඩ් ඉවරයි කියන සහතිකය නොවෙයි.. බුද්ධිමත්ව කටයුතු කරන්න”

යම් යම් සංචරණ සීමා ඉවත් කිරීම රටින් කොවිඩ් ඉවත්වූ බව පෙන්වන සහතිකයක් නොවන බවත් ඒ ආකාරයට වැරදි අදහසක් ගෙන කටයුතු නොකරන්නැයි ජනතාවගෙන් ඉල්ලීමක් කරන බවත් කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පවසයි.

කොවිඩ් ආසාදිතයන් තවමත් හමුවන පසුබිමක ජනතාව බුද්ධිමත්ව කටයුතු කළ යුතු බවද හෙතෙම සඳහන් කරයි.

අද පවතින ප්‍රතිඵල ළඟා කරගෙන ඇත්තේ ජනතාව බොහෝ සේ කැපවීම් කිරීමෙන් බව පැවසූ යුද හමුදාපතිවරයා ජනතාව බුද්ධිමත් ආකාරයට කටයුතු කළ නිසා කොවිඩ් පැතිරීම මේ ආකාරයට පාලනය කර ගැනීමට හැකිවූ බවද පෙන්වා දෙයි.

රටේ යම් යම් සීමා ඉවත් කරනු ලැබූවේ ජනතාවට සහන සැලසීම සඳහා යැයිද ශවේන්ද්‍ර සිල්වා මහතා කීය.

කොවිඩ් ආසාදිතයන් දිනපතා හමුවන නිසා ජනතාව මුව ආවරණ පැළඳ නිවෙස්වලින් පිටතට පැමිණීම වැදගත් බවත් එසේ කටයුතු නොකළහොත් අවදානම් තත්වයන් යළි ඇති විය හැකි බවද ඔහු පවසයි.

මේ අතර රටේ ජනතාවගෙන් බහුතරයකට එන්නත් මාත්‍රා දෙකම ලබාදී ඇති බව පැවසූ යුද හමුදාපතිවරයා වයස 16 ට වැඩි සියලු දෙනාට මාත්‍රා එකක් හෝ ලබා දී ඇතැයිද ප්‍රකාශ කළේය.

ශ්‍රී ලංකා යුද හමුදාව සදහා කොවිඩ් මර්ධන එන්නතේ තුන්වන මාත්‍රාව ලබාදීම යුධ හමුදාපතිවරයාගේ ප්‍රධානතත්වයෙන් යුධ හමුදා රෝහලේදී අද (01)දින ආරම්භ විය.

Related posts

“ආයෙ ලංකාවේදී බැලූන් උඩ අරින්නෑ” – හුලං ගිය Google බැලුම ගැන ඇමති හරීන් කියයි

colombotoday

විරෝධතාවයේ නිරත රැඳවියෝ සාකච්ඡා ප්‍රතික්ෂේප කරති

colombotoday

යාපනය ඩෙල්ෆ් දූපත ආසන්නයේ ධීවර කටයුතු කළ ඉන්දීය ධීවරයින් 9ක් අත්අඩංගුවේ

Admin

ලසන්ත ඝාතනය තමාපිට දාන හේතුව හිටපු ආරක්ෂක ලේකම් කියයි !

colombotoday

හිටපු ජනපතිගේ ආරක්ෂකයෙක් හදිසියේ මිය යයි

colombotoday

සජිත් ප්‍රේමදාස ඉස්ලාම් ත්‍රස්තවාදීන් සමග ගනුදෙනුවක | ඥානසාර හිමි සියල්ල හෙළිකරයි.

colombotoday