Colombo Today Local News

සුදු වෑන් සිද්ධිය – CD තැටි කොළඹ මහාධිකරණයට

හිටපු සෞඛ්‍ය අමාත්‍ය රාජිත සේනාරත්නට සහ රාජ්‍ය ඖෂධ නීතිගත සංස්ථාවේ හිටපු සභාපති මොහොමඩ් රූමි යන අයට එරෙහිව ගොනු කර ඇති නඩුව නොවැම්බර් මස 12 වැනි දා කැඳවීමට කොළඹ මහාධිකරණය අද (22) දින ලබා දුන්නා.

ඒ පසුගිය ජනාධිපතිවරණය සමයේ සුදු වෑන්වලින් පුද්ගලයන් පැහැර ගැනීමක් සිදු වූ බවට පදනම් විරහිත කරුණු මාධ්‍ය හමුවකදී ඉදිරිපත් කළේ යැයි කියන සිද්ධියක් සම්බන්ධයෙන්.

මෙම සිද්ධියට අදාළව විත්තිකරුවන් වෙත අධි චෝදනා කොළඹ මහාධිකරණය මීට පෙර භාර දෙන ලදි.

අද මෙම නඩුව කොළඹ මහාධිකරණ විනිසුරු දමිත් තොටවත්ත ඉදිරියේ කැඳවූ අතර සිද්ධියට අදාළ CD තැටි මහේස්ත්‍රාත් අධිකරණයෙන් කොළඹ මහාධිකරණය වෙත භාර කරන ලදි.

මෙම සිද්ධියට අදාළව විත්තිකරුවන්ට එරෙහිව නීතිපතිවරයා විසින් කොළඹ මහාධිකරණයේ අධි චෝදනාපත්‍ර ගොනු කර තිබුණා.

ඒ අනුව දණ්ඩ නිති සංග්‍රහය යටතේ බොරු සාක්ෂි නිර්මාණය, ජනාධිපතිවරණයේ ප්‍රතිඵල වලට බලපෑමක් ඇතිවිය හැකි ආකාරයේ දූෂිත ක්‍රියාවක් සිදු කිරීම යනාදී අධිචෝදනා හිටපු අමාත්‍ය රාජිත සේනාරත්න ඇතුළු විත්තිකරුවන් දෙදෙනාට එරෙහිව ගොනු කර තිබෙනවා.

මෙම මාධ්‍ය සාකච්ඡාවට සහභාගි වීමේ සිද්ධිය සම්බන්ධයෙන් අත්අඩංගුවට ගන්නා ලද සැකකරුවන් දෙදෙනෙකු වන සරත් කුමාර සහ අතුල සංජීව මදනායක යන අය මෙම නඩුවේ සාක්ෂිකරුවන් වශයෙන් නීතිපතිවරයා විසින් නම් කර තිබෙනවා.

Related posts

ශිෂ්‍යත්ව විභාගය හෙට… සියල්ල සූදානම්

Admin

බින් ලාඩන් මැරුණ හැටි නොකියන ඇමරිකාව කොටි ත්‍රස්තයන් මැරුණ හැටි හෙවීමේ ලෝක විහිළුව

colombotoday

සඟවා තිබූ සහල් විශාල ප්‍රමාණයක් අල්ලයි

Admin

ජාත්‍යන්තර මත්ද්‍රව්‍ය ජාවාරමකට සම්බන්ධ ශ්‍රී ලාංකිකයින් තිදෙනෙක් ඉන්දියාවේදී අත්අඩංගුවට

colombotoday

මැයි 11 කොළඹ එන අයට නව රෙගුලාසි

colombotoday

ඉල්ලීම් දෙනකන් දුම්රිය වැඩවර්ජනය දිගටම

Admin