ශ්‍රී ලංකාවේ සිංහලයන්ට පෙර දෙමළ ජනතාව පදිංචි වී සිටියේ යැයි තහවුරු වී ඇති බව උතුරු පළාත් සභාවේ හිටපු මහ ඇමති සීවී විග්නේෂ්වරන් සඳහන් කරයි.
සිංහල ජනතාවගේ හා දෙමළ ජනතාවගේ DNA පරික්ෂා කිරීම් වලින්ද ඒ බව තහවුරු වී ඇතැයි ද හිටපු මහ ඇමතිවරයා සඳහන් කර ඇත.
ඔහු මේ බව සඳහන් කරන්නේ ඉන්දියාවේදී පැවැත්වුණු ජාත්‍යන්තර දෙමළ සංවිධානයේ වැඩසටහනක දේශනයක් සිදු කරමිනි.
සිංහල භාෂාව ආරම්භ වී ඇත්තේ ක්‍රිස්තුපූර්ව හයවන සහ හත්වන සියවස්වල බවත් දෙමළ භාෂාව ඊට කලින් ආරම්භ වී ඇති බවද ඔහු එහිදී පවසා තිබේ.
ශ්‍රී ලංකාව සිංහල බෞද්ධ රාජ්‍යයක් බවට වන ප‍්‍රකාශයන් පිළිගැනීමට නොහැකි බවද ඔහු එහිදී තවදුරටත් සඳහන් කර ඇත.