දෙමළ ජාතික සන්ධානයේ සහය සජිත් ප්‍රේමදාස මහතාට හිමිවන බව අමාත්‍ය රාජිත සේනාරත්න මහතා පවසයි. ඒ පිළිබදව අද දිනයේ ප්‍රකාශයට පත් කරනු ඇති බවද අමාත්‍යවරයා කියා සිටී.
වව්නියාවේ තරුණ ව්‍යාපාරික හමුවක් අමතමින් හෙතෙම ඒ බව පැවසීය.
ජනාධිපතිවරණයේදී සහය දැක්වීම සදහා ද්‍රවිඩ සන්ධානය ඇතුළු දෙමළ දේශපාලන පක්ෂ 5ක් උතුරු නැගෙනහිර ස්වයං තීරණ අයිතිය, උතුරු නැගෙනහිරින් සිංහල ජනාවාස ඉවත් කිරීම ඇතුළු කොන්දේසි 13ක් ඉදිරිපත්කළ අතර, එම කොන්දේසිවලට එකගවන්නේනම් පමණක් තම සහය හිිමිවන බවද ඔවුන් ප්‍රකාශයටපත්කර තිබිණි.