Colombo Today Local NewsUncategorized

සැකකටයුතු ලෙස ගිනිගත් යතුරුපැදියක්

ඌරගස්මංහන්දිය පොලිස් වසමේ හොරවල, කරිජ්ජවේල්ල, කටවල්පහ වේල්ල අසල දී සැකකටයුතු ලෙස ගිනිතබා විනාශ කර තිබූ යතුරුපැදියක් පොලීසිය විසින් සොයාගෙන තිබේ.

විමර්ශන නිලධාරින් පැවසුවේ එම යතුරුපැදියේ අංක තහඩු ඉවත්කර චැසි අංක මකාදාමා ඇති බවයි.

ඌරගස්මංහන්දිය පොලීසිය සැක කරන්නේ අපරාධයක් සිදුකිරීම සඳහා භාවිත කළ යතුරුපැදියක් මෙලෙස ගිනිතබා විනාශ කරන්නට ඇති බවය.

පොලීසිය තවදුරටත් පැවසුවේ මෙම යතුරුපැදිය පසුගිය 26 වනදා කුරුඳුගහහැතැක්ම ප්‍රදේශයේ සිදුවූ මනුෂ්‍ය ඝාතනයට යොදාගත් යතුරුපැදිය බවට ද සැක කරන බවය.

කරන්දෙනිය පරිපාලන මහජන සෞඛ්‍ය පරීක්ෂක රොෂාන් කුමාර විතානච්චි මහතාගේ නිවසට එදින උදෑසන ස්කූටර් වර්ගයේ යතුරුපැදියකින් පැමිණි දෙදෙනෙකු ඒ මහතාට වෙඩිතබා ඝාතනයක් සිදුකර තිබුණි.

සිද්ධිය සම්බන්ධයෙන් විමර්ශන කණ්ඩායම් 4ක් පරීක්ෂණ සිදුකරයි.

ඊයේ (28) දිනයේ ඌරගස්මංහන්දිය හොරවල ප්‍රදෙශයේ සෝදිසි කිරිම් සිදුකිරීම නිසා යතුරුපැදිය ගිනි තබන්නට ඇති බවට පොලීසියට සැක මතුවී ඇත.

යතුරුපැදියක් ගිනිගෙන ඇති බවට මෙතෙක් කිසිවෙකුත් පොලීසියට පැමිණිල්ලක් ඉදිරිපත් කර නොමැති බවද ඌරගස්මංහන්දිය පොලීසිය පවසයි.

Related posts

අම්පාරේ නිවසකින් මරාගෙන මැරෙන ඇඳුම් කොටස් සොයාගනී

colombotoday

ඔක්කොම දෙන්නම් කියද්දීත් පෙළපාලි ආවේ පෙරටුගාමීන් වෙනුවෙන් කොක්කක් ඇදගන්න

colombotoday

ශ්‍රී ලංකාවට දෙන ඕනෑම ණයක් සඳහා ණය තිරසර බවට සහතිකයක් අවශ්‍යයි-IMF

colombotoday

සියදිවි හානිකර ගැනීම් “පෙන්නන්න එපා”… ජාතික ළමාරක්ෂක අධිකාරියෙන් ඉල්ලීමක්

colombotoday

“ලංකවේ මුස්ලිම් 30 ක් ISIS ත්‍රස්තවාදීන්ට එක්වෙලා“ – අගමැති ඉන්දීය මාධ්‍යට කියයි

colombotoday

සිරගත රණවිරුවන්ට නිදහස, සහනාධාර වෙනුවට පොහොර නොමිළේ – ජන සන්නිපාතය මැද ගෝඨාගෙන් සහතිකයක්

colombotoday