උතුරු පළාතේ සේවය කිරීම පිණිස දෙමළ ජාතික පොලිස් නිළධාරීන් 400ක් බදවා ගැනීම වෙනුවෙන් පැවැත්වෙන් සම්මුඛ පරීක්ෂණය හෙට 11 වව්නියාව ගාමිණී මහා විද්‍යාලයේදී පැවැත්වෙන් බව වවුනියාව ජේ්‍යෂ්ඨ පොලිස් අධිකාරී වසන්ත වික්‍රමසිංහ මහතා පවසයි.
විවිධ රාජකාරී ඉටුකරගැනීම සදහා උතුරේ පොලිස් ස්ථාන වෙත පැමිණෙන දෙමළ භාෂාව පමණක් කතා කරන මහජනතාවගේ පහසුව පිණිස, පොලිස්පතිවරයාගේ උපදෙස් මත පොලිස් සේවයට දෙමළ නිළධාරීන් පිරිසක් බදවා ගන්නා දෙවන අවස්ථාව මෙයයි.
මේ අතර උතුරු පළාතේ සිටින සිංහල පොලිස් නිළධාරින් වෙනුවෙන් දෙමළ භාෂාව පිළිබද පාඨමාලාවන්ද කි‍්‍රයාත්මක වෙමින් පවතින අතර එවැනි කණ්ඩායම් රැසක් උතුරු පළාතේ පොලිස් ස්ථානවල සේවයේ නිරත වෙති.