ත්‍රස්තවාදී ක්‍රියාවලට සම්බන්ධ එල්.ටී.ටී.ඊ සැකකරුවන්ට පොදු සමාව ලබා දීම කිසිසේත් අනුමත කළ නොහැකි බව ජාතික හෙළ උරුමය පවසනවා.
එහි මාධ්‍ය ලේකම් නිශාන්ත ශ්රී වර්ණසිංහ මහතා මාධ්‍ය නිවේදනයක් නිකුත් කරමින පෙන්වා දෙන්නේ එල්.ටී.ටී.ඊ සැකකරුවන්ට පොදු සමාව ලබා දෙන ලෙස කෙරෙන ඉල්ලීමද අසාධාරණ බවයි.
දැනට සිරගත කර සිටින එම එල්.ටී.ටී.ඊ සැකකරුවන්ට එරෙහිව වහාම අධිකරණමය ක‍්‍රියාමාර්ග අනුගමනය කළ යුතු බවත් එය නීතිපතිවරයා සතු වගකීමක් වනවා මෙන්ම එය යහපාලන ආණ්ඩුවේ ද වගකීමක් වන බව එම නිවේදනයේ දැක්වෙනවා.
සැමට නීතිය හා යුක්තිය සදාචාරාත්මකව ඉටු විය යුතු බවත් එසේ නොමැතිව එක් එක් කල්ලි හා කණ්ඩායම්වල හෝ දේශපාලන බෙදුම්වාදීන්ගේ උවමනා එපාකම් මත කටයුතු කිරීම කිසිසේත් අනුමත කළ නොහැකි බව නිශාන්ත ශ්රී වර්ණසිංහ මහතා වැඩි දුරටත් එම නිවේදනයෙන් පෙන්වා දෙනවා.