එකක් රුපියල් 16.000 බැගින් ආනයනය කළ තාර බැරල් එක්ලක්ෂ පනස්දහසක් අලෙවි නොවීම නිසා තෙල් සංස්ථාවට කෝටි 240 ක පාඩුවක් සිදු වී ඇති බව වාර්තා වනවා. මෙම බැරල් තොගය ආනයනය කර ඇත්තේ පසුගිය කාර්තුවේ දී වන අතර මෙතෙක් තෙල් සංස්ථාව සතුව පැවති තාර ආනයනය කිරීමේ ඒකාධීකාරිය පසුගිය වසරේ දී පුද්ගලික සමාගම්වලට ලබා දීම නිසා මෙම බැරල් තොගය විකුණාගත නොහැකි වී තිබෙන බවයි පැවසෙන්නේ.
ඒ අනුව සමාගම් 32 කට තාර ආනයනය කිරීමට අවසර ලබා දී තිබෙන අතර තාර ආනයනයෙන් හා ඒවා පුද්ගලික අංශයට ආනයනය කිරීමට අවසර ලබා දීමෙන් ඉහළ නිලධාරින් කොමිස් ලබාගෙන ඇති බව සංස්ථාවේ අභ්‍යන්තර ආරංචි මාර්ග සදහන් කරනවා.