ලංකාවේ තිබෙන සියලු මාර්ග හා මංමාවත් සිංහල, දමිළ හා ඉංග්‍රීසි මාධ්‍යයෙන් පමණක් නම් කරන ලෙසට අග්‍රාමාත්‍ය රනිල් වික්‍රමසිංහ මහතා අමාත්‍ය වජිර අබේගුණවර්ධන මහතාට උපදෙස් දී තිබේ.
ශ්‍රී ලංකාවේ මාර්ග නම් කිරීමේදී වෙනත් භාෂාවක් භාවිත නොකළ හැකි බවත් ඔහු මෙහිදී සඳහන් කර තිබේ.
නැගෙනහිර පළාතේ මුස්ලිම් ජනතාව වැඩි වශයෙන් වෙසෙන ප්‍රදේශවල මාර්ග හා නාම පුවරුවල අරාබි භාෂාවද මෑතක සිට ප්‍රදර්ශනය කිරීමේ ප්‍රවනාතාවක් ඇතිවී තිබේ.
දිවයිනේ වෙනත් ස්ථානවලද ඇතැම්විට ස්ථාන නාම හැදින්වීමේදී අරාබි බස යොදාගෙන තිබෙනු දක්නට හැකිය.