වාහන මිලදී ගැනීමේ දී අදාල වාහනයේ වටිනාකමින් 70%ක් පමණක් ලීසිං ක්‍රමයට ලබා දීමට හා වාහන කාර්මික පරීක්ෂණයකට ලක් කල යුතු බවට ශ්රී ලංකා මහ බැංකුව විසින් සියළු මූල්‍ය ආයතනවලට උපදෙස් දී ඇත.
කල්බදු මූල්‍ය සමාගම්වල ස්ථාවරත්වය සහතික කිරීමේ අරමුණින් මේ තීරණය ගත් බවයි මහ බැංකු අධිපති අර්ජුන මහෙන්ද්‍රන් මහතා පවසන්නේ.
මුදල් අමාත්‍ය රවී කරුණානායක මහතා විසින් ඉකුත් දා මාධ්‍ය හමුවකදී පැවසුවේ ලීසිං ක්‍රමයට වාහන මිලදී ගැනීමේ දී වටිනාකමින් 90% දක්වා ලබාදීමට පියවර ගන්නා බවකි. එහෙත් මහබැංකුවේ නව තීරණයට අනුව රවී කරුණානායක මහතාගේ කතාවට වලංගුභාවයක් නොමැති වී තිබේ.
ශ්රී ලංකා මහ බැංකුව පාලනය වන්නේ අගමැති රනිල් වික්‍රරමසිංහ මහතා යටතේ වන අතර ඇමති රවි කරුණානායකට මහ බැංකුව සම්බන්ධයෙන් වගකීමක් ලබා දී නැති බවයි පැවසෙන්නේ.