රනිල් වික්‍රමසිංහ මහතා අග්‍රාමාත්‍ය ධුරයෙන් ඉවත් නොකිරීම සම්බන්ධයෙන් ජනාධිපතිවරයා වගකිව යුතු බව එක්සත් ජනතා නිදහස් සන්ධාන පාර්ලිමේන්තු මන්ත්‍රී ඩිලාන් පෙරේරා මහතා පවසයි.
අගමැති රනිල් වික්‍රමසිංහ මහතා ඉවත් කර රටට වැඩක් කළ හැකි අගමැතිවරයෙක් පත්කරන ලෙස වර්ථමාන ජනාධිපති මෛත්‍රීපාල සිරිසේන මහතාගේන් ඉල්ලා සිටින බව ද ඩිලාන් පෙරේරා මහතා පවසයි.
පවතින ආණ්ඩුව විසින් කිසිදු වැඩක් සිදු නොකළ බවට රටේ ජනතාව සැම විටම පවසන බව හිටපු අමාත්‍යවරයා ඒ සඳහා වර්තමාන ජනාධිපති මෛත්‍රීපාල සිරිසේන මහතාත් වගකිව යුතු බවත් එලෙස වගකිව යුත්තේ වර්තමාන අගමැතිවරයා ඉවත් නොකිරීම නිසා බව පැවසු ඩිලාන් පෙරේරා මහතා ජනාධිපති මෛත්‍රීපාල සිරිසේන මහතා ජනාධිපති ලෙස සිටින විටදී හිටපු ජනාධිපති මහින්ද රාජපක්ෂ මහතා අගමැතිවරයා වශයෙන් පත් කළ හොත් මහින්ද රාජපක්ෂ මහතා ජාතිවාදීන් හට අත්අඩංගුවට ගත නොහැකි බවද පැවසීය.
ඔහු මෙම අදහස් පලකළේ වව්නියාවේදී පැවති උත්සවයකට එක්වෙමිනි.